Efiopiyada muxolifat aksiyasida yuz bergan tiqilinchlikda 50 kishi halok bo‘ldi

Efiopiya muxolifati hukumatga qarshi uyushtirgan aksiya chog‘ida yuzaga kelgan tiqilinchlikda 50 kishi halok bo‘ldi. Bu haqda “Interfaks” xabar bermoqda.

Muxolifat vakillarining ma’lum qilishicha, politsiya namoyishchilarga qarshi ko‘zni yoshlantiruvchi gaz qo‘llaganidan so‘ng odamlar tartibsiz chekina boshlagan, buning natijasida ko‘plar oyoq ostida qolib ketgan.

Hukumat ham bir necha kishi halok bo‘lganini tasdiqladi.