Qutqaruvchilar Chjetszyan viloyatida (Sharqiy Xitoy) ko‘chki yuz bergan hududdan to‘rt kishining jasadini topdi. “Sinxua” agentligining ma’lum qilishicha, yana 23 kishi bedarak yo‘qolgan, 15 kishi qutqarilgan, deb yozadi “TASS”.
So‘nggi ma’lumotlarga ko‘ra, qidiruv-qutqaruv operatsiyasiga 2 mingdan ortiq odam jalb etilgan. Agentlikning qayd etishicha, ruhshunos va boshqa mutaxassislar omon qolganlarga yordam ko‘rsatmoqda.
“Megi” to‘foni keltirib chiqargan kuchli yomg‘irlar 28-sentabr, chorshanba kuni Lishuy shahar okrugi, Suychan uyezdi Sutsun qishlog‘idagi ko‘chkiga sabab bo‘ldi.
400 ming kubometrga yaqin tuproq 20 dan ortiq uyni bosib qolgan. Mahalliy hukumat xavf hududidan 1,5 mingga yaqin kishini evakuatsiya qildi.
Izoh (0)