Hindistonda bo‘lib o‘tayotgan o‘smir futbolchilar o‘rtasidagi Osiyo Chempionatida final ishtirokchilari nomi ma’lum bo‘ldi. Bunga qadar Eron, KXDR, Yaponiya va Iroq termalari yarim finalga qadar yetib kelib, kelasi yil bo‘lib o‘tadigan Jahon Chempionatiga yo‘llanmani qo‘lga kiritgandi.
Yarim finalning birinchi o‘yinida Eron va KXDR termalari 1:1 hisobida durang o‘ynadi. Uchrashuvning 80-daqiqasida penaltidan gol urib, mag‘lubiyatdan qutulib qolgan Shimoliy koreyalik futbolchilar, o‘yindan keyingi penaltilar seriyasida imkoniyatni boy berib qo‘ydi — 5:6.
Yaponiya va Iroq termalari o‘rtasida kechgan yarim finalning ikkinchi o‘yinida esa iroqliklarning qo‘li baland keldi — 4:2. Birinchi bo‘limda kunchiqar yurt o‘smirlari 2:1 hisobida oldinda borayotgandi. Ikkinchi 45 daqiqalikda iroqliklar 3 ta gol urishga muvaffaq bo‘ldi.
Yaponiya o‘smirlar termasi yarim finalga qadar 4 ta o‘yinda maydonga tushib, jami 22 ta gol urgan va o‘z darvozasidan to‘p o‘tkazib yubormagandi.
2-oktabr kuni Eron va Iroq o‘smirlar termasi musobaqa g‘olibi nomini aniqlab berish uchun maydonga tushadi.
Izoh (0)