O‘zbekiston Prezidenti saylovi Germaniya matbuoti e’tiborida

4-dekabr kuni bo‘lib o‘tadigan O‘zbekiston Prezidenti saylovi Germaniya matbuotining diqqat markazida turibdi, deb xabar beradi “Jahon”.

Xususan, Presse Echo axborot portalida saylovga tayyorgarlik jarayoninga bag‘ishlangan material e’lon qilindi.

“Bugungi kunda O‘zbekistonning barcha siyosiy partiyalari mamlakat Prezidenti lavozimiga o‘z nomzodlarini ko‘rsatdi. Ularning ayrimlari o‘tgan yilgi davlat rahbari saylovlarida ishtirok etgan edi”, — deyiladi maqolada.

Usbekistan Online esa Markaziy saylov komissiyasi tomonidan mamlakatning bir qator ommaviy axborot vositalari bilan ikki tomonlama kelishuvlar imzolanganidan xabar berdi. Ularga ko‘ra, OAV aholini davlat va jamoat arboblari, ekspertlar, tahlilchilar va xorijlik jurnalistlarning fikrlari bilan tanishtirib boradi.

“O‘zbekiston MSK OAV bilan hamkorlik qilishda ancha katta tajriba to‘plagan. Respublikada saylov jarayonining ochiqligini nazorat qiluvchi va fuqarolarning saylov huquqlarini ta’minlovchi tegishli qonunchilik va normativ-huquqiy aktlar qilingan”, — deyiladi materialda.

Maqola muallifi — Usbekistan Online direktori Gerxard Birkl 2014 va 2015-yillarda O‘zbekistondagi parlament va Prezident saylovlarida kuzatuvchi sifatida ishtirok etgan edi.