YChL. “Real” Dortmundda ochko yo‘qotdi, “Lester”dan ikkinchi g‘alaba, “Tottenhem” Moskvada zafar quchdi

Futbol bo‘yicha Yevropa Chempionlar Ligasining 4 ta guruhida 2-tur bellashuvlariga yakun yasaldi.

“E” guruhida kurash olib borayotgan Londonning “Tottenhem” klubi Moskvaga tashrif buyurib, koreyalik Son Xyon Minning goli evaziga 3 ochkoni qo‘lga kiritdi. Bir tur avval Londondan 3 ochko olib qaytgan “Monako” esa o‘z maydonida mag‘lubiyatdan so‘nggi daqiqada qutulib qoldi.

Musobaqani “Sporting”ni taslim qilishdan boshlagan “Real” Dortmundda ochko yo‘qotdi. Bir tur avval bo‘lgani kabi Krishtianu Ronaldu o‘z hisobiga gol yozib qo‘ydi. Madridliklar ikki bor hisobda oldinda borganiga qaramay, yakunda g‘alabani qo‘ldan chiqardi.

“G” guruhida Angliya chempioni “Lester” ketma-ket ikkinchi g‘alabasiga erishdi. “Portu” Chempionlar Ligasida Angliyaga 17 bor tashrif buyurgan bo‘lib, shularning 2 tasida durang o‘ynagan va 15 ta o‘yinda imkoniyatni boy bergan. Portugaliya klubiga ingliz diyorida zafar quchish nasib qilayotgani yo‘q.

Italiya chempioni “Yuventus” Turindagi ochko yo‘qotishidan keyin 2-turni yirik g‘alaba bilan yakunladi. “Sevilya” esa bitta penaltini ko‘kka sovurib ham “Lion”ni taslim qildi.

Yevropa Chempionlar Ligasi Guruh bosqichi. 2-tur 27-sentabr, seshanba

“E” guruhi

“SSKA” (Rossiya) — “Tottenhem” (Angliya) 0:1

“Monako” (Fransiya) — “Bayer” (Germaniya) 1:1

“F” guruhi

“Borussiya Dortmund” (Germaniya) — “Real Madrid” (Ispaniya) 2:2

“Sporting” (Portugaliya) — “Legiya” (Polsha) 2:0

“G” guruhi

“Lester” (Angliya) — “Portu” (Portugaliya) 1:0

“Kopengagen” (Daniya) — “Bryugge” (Belgiya) 4:0

“H” guruhi

“Sevilya” (Ispaniya) — “Lion” (Fransiya) 1:0

“Dinamo Zg” (Xorvatiya) — “Yuventus” (Italiya) 0:4