Fransiya kontrrazvedkasining sobiq boshlig‘i Bernar Skarsini 26-sentabr, dushanba kuni Parij shahrida qo‘lga olindi. Bu haqda, AFP agentligiga tayanib, “TASS” xabar bermoqda.
Skarsinining qo‘lga olinish sabablariga aniqlik kiritilmagan. Avvalroq Parij jinoiy politsiyasining sobiq rahbari Kristian Flash ham hibsga olingandi.
Ularning har ikkisi Nikolya Sarkozi (2007–2012-yillar) Fransiya prezidenti bo‘lgan davrda o‘z lavozimlarini egallab turgan va ishonch qozongan edi.
Kuzatuvchilarning ta’kidlashicha, xavfsizlik kuchlarining sobiq rahbarlari Nikolya Sarkozining 2012-yildagi saylov kampaniyasini moliyalashtirish bo‘yicha tergov ishi yuzasidan ko‘rsatma berish uchun qo‘lga olingan.
Izoh (0)