Londondagi Madam Tyusso muzeyi xodimlari Anjelina Joli va Bred Pittning ajrashayotgani haqidagi xabarlardan keyin, ularning mum haykallarini bir-biridan uzoqlashtirib qo‘ydi. Ularning o‘rtasiga aktyor Robert Pattinsonning haykalini joylashtirishdi. Muzeydagi bunday o‘zgarishlar aks etgan suratlarni muzey ishchilari Twitter’ga joyladi.
“Bunday kutilmagan yangiliklardan keyin, biz Joli va Pittning haykallarini ajratib qo‘yganimizni tasdiqlaymiz”, — deyiladi muzey xabarida.
Aktyorlarning mum haykallari Madam Tyusso muzeyida 2013-yilda paydo bo‘lgan. Ularning har biri alohida yasalgan — haykallar bir-biriga birikmagan, shunchaki yonma-yon turgan.
Izoh (0)