O‘zi bog‘lanadigan bog‘ichli Nike HyperAdapt 1.0 krossovkalari noyabrdayoq sotuvga chiqadi, deya xabar bermoqda “Hi-tech.mail.ru”. “Kelajakka qaytib” filmi bosh qahramoni Marti Makflay ham shunga o‘xshash oyoq kiyimi kiyib yurardi.
Nike kompaniyasi PR-direktori Xaydi Burgett Twitter ijtimoiy tarmog‘ida HyperAdapt krossovkalari 2016-yil 28-noyabrda sotila boshlashi haqidagi ma’lumotni joyladi. “Kelajak” poyabzalini AQShdagi ba’zi do‘konlardagina sotib olish mumkin, uning narxi oshkor etilmadi.
https://twitter.com/heidiburgett/status/778269663889199104
Nike HyperAdapt 1.0 ustida dizayner Tinker Xetfild va kompaniyaning katta innovatori Tiffani Birslar ishladi. Birsning so‘zlariga qaraganda, inson tovoni maxsus sensorga tegishi bilan oyoq kiyimining iplari o‘z-o‘zidan harakatga kelib, bog‘lanadi. Krossovka chekkasida ikkita tugma bo‘lib, ular bog‘lanishni zaiflashtirish yoki kuchaytirishga xizmat qiladi.
Izoh (0)