Google Maps dunyo xaritasida YChL g‘oliblarining tug‘ilgan joylarini belgilab qo‘ydi

Google futbol muxlislari uchun qiziqarli qulaylik yaratdi. “Birthplaces of UEFA Champions League Winners” (YChL g‘oliblarining tug‘ilgan joylari – “Daryo” tarjimasi) so‘rovi orqali qidiruv tizimi Yevropa Chempionlar Ligasida g‘olib bo‘lgan futbolchilarning tug‘ilgan joylari belgilangan xaritaga o‘tadi, deb xabar bermoqda Eurosport.

Qora nuqtalar bilan belgilangan geotegga sichqoncha tugmasi bosilganda futbolchi haqida qisqacha ma’lumot chiqadi. Unda futbolchining ism-sharifi, ampluasi, YChLda g‘olib bo‘lgan yili va g‘oliblikka erishgan klubi haqida ma’lumot beriladi.

Ma’lumot uchun, Yevropa Chempionlar Ligasida g‘olib bo‘lgan futbolchilardan hech qaysi biri Antarktidada tug‘ilmagan. Mazkur servis 1993-yildan buyon YChLda g‘olib bo‘lgan futbolchilar haqida ma’lumot beradi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.