200 nafar jangari Pokiston chegarasi orqali Kashmirga o‘tishga harakat qilmoqda. Bu haqda mamlakat chegara xavfsizlik kuchlari vakili Vikash Chandra ma’lum qildi, deb xabar beradi “TASS”.
“Ikki yuzga yaqin jangari Kashmir vodiysiga Pokiston bilan chegara orqali o‘tishga harakat qilmoqda, ulardan ayrimlari bunga muvaffaq ham bo‘ldi. Buni tezkor ma’lumotlardan ham, yil boshidan beri chegara yaqinida to‘qnashuvlar soni sezilarli darajada oshganidan ham payqash mumkin”, — ta’kidladi Chandra.
U Pokiston va ayirmachi tashkilotlarni mintaqada keskinlikni kuchaytirishda aybladi.
Izoh (0)