Liberiya shimolida fillar bitta shaharni egallab oldi

Liberiya shimolida fillar Galo shahrini egallab olib, qo‘shni tumanlardagi fermerlarga azob bermoqda, deb ma’lum qildi “TASS”.

Davlat radiouzatish korporatsiyasining ma’lum qilishicha, fillar guruch dalalarini payhon qilmoqda, shahar ichida esa banan va plantan daraxtlarining mevalarini yeb qo‘ymoqda.

Zoologlarning fikricha, fillarning bu xatti-harakatlari o‘rmonda hukm surayotgan ochlik bilan bog‘liq, negaki gigant jonivorlar odatda o‘z an’anaviy istiqomat makoni — Bel qo‘riqxonasidan chiqmaydi.

Jonivorlarni tinchlantirish uchun Liberiya o‘rmon xo‘jaligi boshqarmasi Galo shahri joylashgan Gbarpolu grafligiga maxsus malakali xodimlar guruhini yo‘lladi.