Britaniyaning Rakuten Marketing firmasi xodimlari Londondagi Moda haftaligi arafasida shahar aholisi o‘rtasida ular uchun eng yuksak did bilan kiyinadigan hamyurti kimligi borasida so‘rov o‘tkazdi, deb yozadi “Vesti.ru”. Birinchi o‘rinni Kembridj gersoginyasi Keyt Middlton egalladi. Ayollarning 29 foizi shahzoda Uilyamning rafiqasi kabi kiyinishni istaydi.
Keyt Middltondan keyingi pog‘onalarni qo‘shiqchilar Rita Ora va Elli Golding, aktrisa Emma Uotson, shuningdek, bloger Zoi Sagg band etdi.
Bundan tashqari, britaniyalik ayollar ijtimoiy tarmoqlar va taniqli kishilarning tashqi ko‘rinishi ular do‘konlardan nima sotib olishiga ta’sir o‘tkazishini tan oldi. So‘rov ishtirokchilarining 29 foizi do‘stlari yoki mashhur kishilarning Facebook va Twitter sahifalarida ko‘rgan kiyim-kechaklarni sotib olganini aytdi.
Londonliklarning 35 foizi esa ko‘pincha o‘zlariga yoqqan film aktyorlari kabi kiyinishga urinishini e’tirof etdi.
Izoh (0)