AQSh davlat kotibi Jon Kerrining Rossiya tashqi ishlar vaziri Sergey Lavrov bilan uchrashuvi yakunlandi, tomonlar Suriyadagi inqirozni tartibga solish bo‘yicha yagona yondashuvga erisha olmadi. Bu haqda Reuters agentligiga AQSh Davlat departamentidagi yuqori mansabli amaldor ma’lum qildi, deb yozadi “Kommersant”.
4-sentabr, yakshanba kuni AQSh davlat kotibi Rossiya va AQSh Suriya bo‘yicha ko‘plab texnik masalalar borasida kelishib olganini ma’lum qilgan edi.
“Juda ko‘p texnik masalalar hal qilindi, ammo bir-ikkita murakkab mavzular qolmoqda. Biz ularni ikkala tomon manfaatlarini hisobga olgan holda yechish ustida ishlayapmiz”, — degan edi u rossiyalik hamkasbi bilan uchrashuv yakunlariga ko‘ra.
Izoh (0)