Toshkent politexnika muzeyida 5-sentabr kuniga rejalashtirilgan, o‘zlari ishlab chiqqan STORM Pulse elektr mototsiklni namoyish etmoqchi bo‘lgan gollandiyalik talabalar bilan uchrashuv bekor qilindi. Bu haqda Facebook’da sayohatchilarning o‘zlari va muzey ma’muriyati ma’lum qildi, deb yozadi “Gazeta.uz”.
O‘zbekistondagi motam tufayli Endxoven texnologiya universiteti talabalari tomonidan rejalashtirilgan uchrashuvlarning barchasi bekor qilindi, ular Samarqanddan Qozog‘istonga jo‘nab ketishga majbur bo‘ldi.
Toshkent politexnika muzeyi ma’muriyati tashrifchilardan uzr so‘radi va sotib olingan chiptalar muzeyga dushanbadan boshqa har qanday kunda tashrif buyurish uchun yaroqli ekanligini ma’lum qildi.
Izoh (0)