Shtab-kvartirasi Grotonda (AQSh, Konnektikut shtati) joylashgan General Dynamics Electric Boat kompaniyasi besh yilga cho‘zilgan qurilishdan so‘ng mamlakat harbiy-dengiz kuchlariga suv osti kemasini yetkazib berdi. Bu haqda “RBK” xabar bermoqda.
Kema prezident Obamaning rafiqasi tug‘ilib-o‘sgan shtat sharafiga USS Illinois degan nom oldi. Mishel Obama oldinroq kema ustidan shafe’likni zimmasiga olgandi: u kema faoliyati, dengizchilar va ularning oilalari hayotida ishtirok etadi.
Suv osti kemasi Grotonda 29-oktabr kuni bo‘lib o‘tishi mo‘ljallangan foydalanishga topshirish marosimidan so‘ng harbiy xizmatni o‘tashni boshlaydi. Uning qurilishiga 2,7 milliard dollar sarflangani bildirilmoqda.
Izoh (0)