Zimbabve poytaxti Xarareda politsiya ko‘zdan yosh oqizuvchi gaz va suv to‘plari yordamida tarqatib yuborgan ommaviy norozilik namoyishlari bo‘lib o‘tdi. Bu haqda “Interfaks” xabar bermoqda.
Mamlakatni 1980-yildan beri boshqarib kelayotgan 92 yoshli prezident Robert Mugabe Zimbabveda “arab bahori” bo‘lmasligini ma’lum qildi. Uning ta’kidlashicha, mazkur hodisalar ortida tashqi kuchlar turibdi. AQSh va G‘arbning boshqa davlatlari mamlakat muxolifatiga moliviy ko‘mak bermoqda.
Mugabening raqiblari islohotlar, jumladan, saylov tizimida o‘zgarishlarga chaqirib, ko‘chalarga chiqdi. To‘qnashuvlar poytaxtning katta qismini qamrab oldi va oxirgi 20 yil ichida eng shafqatsiz ko‘rinish oldi. Muxolifat yetakchilar namoyishlar davom etishini bildirmoqda.
Izoh (0)