Nikaraguada Zika virusi asorati bo‘lgan mikrotsefaliyaga chalingan birinchi chaqaloq tug‘ildi. Bu haqda 26-avgust, juma kuni mamlakatning birinchi xonimi va prezident matbuot kotibi Rosario Murilyo ma’lum qildi, deya xabar beradi “TASS”.
Murilyoga ko‘ra, chaqaloqning onasi homiladorlikning uchinchi oyida Zika virusini yuqtirib olgan. Hozirda go‘dakning holati barqaror ekanligi bildirilmoqda.
Ma’lumot uchun, olimlar Zika virusi homila rivojlanishiga salbiy ta’sir ko‘rsatib, turli asoratlar qoldiradi deb hisoblaydi. Ularning eng og‘iri bosh suyagi kichrayib, aqliy zaiflik, ko‘rish va eshitishda muammolarga olib keladigan mikrotsefaliya sanaladi.
Izoh (0)