Italiyaning Amatriche shahrida yuz bergan zilzila jiddiy vayronagarchiliklarga olib keldi, odamlar binolar xarobalari ostida qoldi, deb yozadi “RIA Novosti” shahar meri Serjio Pirotssiga tayanib.
Avvalroq Yevropaning EMSC seysmologiya markazi Italiya markaziy qismida 6,1 magnitudali zilzila kuzatilganini ma’lum qilgan edi. AQSh Geologiya xizmati (USGS) ma’lumotlariga ko‘ra, yer silkinishlari kuchi 6,2 ni tashkil qilgan.
Zilzilani mamlakatning boshqa ko‘plab shaharlar, jumladan, Rim aholisi ham yaqqol sezgan.
“Shaharga olib boradigan va u yerdan olib chiqadigan ko‘chalar to‘silgan. Shaharning yarmi yo‘q bo‘lib ketdi. Odamlar vayronalar ostida qoldi… Yer o‘pirilishi ro‘y berdi, ko‘prik qulab tushgan bo‘lishi mumkin”, — dedi Pirotssi.
Izoh (0)