XXXI yozgi Olimpiadada o‘g‘rilik va hujumlar kutilganidek Rio-de-Janeyroning ajralmas bir qismi bo‘lib qoldi. Mahalliy talonchilar shahar aholisi va mehmonlarini ayamay, juda sermahsul ishladi, deb xabar bermoqda “TASS”.
Talonchilar pul, telefon, noutbuk, fotoapparat, umuman olganda, qarovsiz qolgan barcha buyumlarni o‘g‘irladi. Ammo ko‘ngilsiz yo‘qotishlarning oqimida halollik va mehr-oqibat orolchasiga ham joy topildi. Bu Olimpiadaning Bosh matbuot markazidagi ma’lumotlar peshtaxtasi edi. Aynan mana shu yerga shaharning boshqa burchaklarida yo‘qolgan telefon, noutbuk, soat va boshqa buyumlar olib kelingandi.
Bundan tashqari, nafaqat buyumlar, balki pullar ham qaytarib berilgan holatlar bo‘ldi. Lekin pulni qaytarish jarayoni noaniqligicha qoldi.
Izoh (0)