O‘zbekistonlik bokschi Shahobiddin Zoirov Rio—2016 Olimpiadasining 52 kilogrammgacha bo‘lgan sportchilari o‘rtasidagi turniri yarim finaliga yo‘llanma oldi.
Chorak finalda ozarbayjonlik Elvin Mamishzodaga qarshi ringga chiqqan Zoirov raqibidan ustunlik qildi va eng kamida bronza medali masalasini hal qildi. Unda Rio—2016 oltin medallari uchun kurashish imkoniyati bor.
Bu vazn toifasida yarim final janglari 19-avgust kuni bo‘lib o‘tadi.
Olimpiadadagi ishtirokini 1/16 finaldan boshlagan Shahobiddin avvaliga irlandiyalik Brendan Irvinni, 1/8 finalda esa amerikalik Antonio Vargasni mag‘lub etib, har ikki bokschini turnirdan chiqarib yuborgandi.
Izoh (0)