Toshkentda Lenovo S90 smartfoni sotila boshladi, deb yozadi “Mobinfo.uz”. O‘tgan yili taqdim etilgan smartfon dizayni jihatidan iPhone 6’ning deyarli to‘liq nusxasi hisoblanadi. U o‘rtacha texnik xususiyatlarga ega bo‘lib, narxi esa nisbatan balanddir.
Lenovo S90 to‘rt yadroli Qualcomm Snapdragon 410 protsessori, 5 dyuymli va 1280×720 pikselli displey, 2 Gb tezkor va 32 Gb ichki xotira, 13 megapikselli asosiy va 5 megapikselli old kamera, 2300 mA/soat sig‘imli akkumulyatorga ega.
Lenovo S90 Android 4.4.4 KitKat operatsion tizimida ishlaydi. Unga bir vaqtning o‘zida ikkita SIM-karta o‘rnatish mumkin.
Poytaxtdagi “Fleshka” savdo majmuasida ushbu smartfonni 1,3 million so‘mga xarid qilish mumkin.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)