Xalqaro kosmik stansiyaga sabzavotlar yetishtirish maqsadida yangi “Lada-2” oranjereyasi yuboriladi. Bu haqda “Roskosmos” matbuot xizmati ma’lum qildi, deya xabar bermoqda “Interfaks”.
“Joriy kuzda kosmik ekspeditsiyaga yo‘l oladigan ‘Roskosmos’ning kosmonavtlari — Sergey Rijikov va Andrey Borisenko yangi oranjereya bilan ishlash bo‘yicha o‘qitildi. Aynan ular kosmosda o‘simlik yetishtirish bo‘yicha Rossiya tajribalarini qayta yo‘lga qo‘yishi kerak bo‘ladi”, — deyiladi korporatsiyaning Facebook’dagi sahifasida qoldirilgan xabarda.
Xabar berishlaricha, kosmik stansiya bortidagi yangi oranjereyada dastlab shirin qalampirning pastak navi yetishtiriladi.
“Kosmosda shu paytgacha yeyish mumkin bo‘lgan sabzavot yetishtirilmagan, shuning uchun ushbu tajribani innovatsion deb hisoblash mumkin. Keyinchalik oranjereyada bug‘doy yetishtiriladi”, — deya ma’lum qildi “Roskosmos”.
Xalqaro kosmik stansiyaga oranjereyani 2016-yilning oxiri — 2017-yilning boshi yetkazib berish rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)