Rasmiy Moskva Kiyevni va uning “xorijlik kuratorlari”ni Rossiya tomoniga yetkazilgan zarar va rossiyalik harbiy xizmatchilarning halokati javobsiz qolmasligidan ogohlantirdi. Bu haqda, Rossiya TIV bayonotiga asoslanib, “TASS” xabar bermoqda.
“Qrim Respublikasida barqarorlik va xavfsizlik shak-shubhasiz ta’minlanadi”, — deyiladi bayonotda.
Bundan tashqari, Rossiya xorijlik hamkorlarni Kiyevni xavfli qadamlar tashlashdan qaytarishga yana bir bor chaqirdi.
Qo‘lga olinganlar orasida Yevgeniy Panov va Andrey Zaxtey borligi, ular o‘z ko‘rsatmalarida ayblarini tan olayotgani aytildi.
Rossiya TIV nuqtai nazariga ko‘ra, Kiyev terror va provokatsiyalardan voz kechmas ekan, Normandiya formatidagi uchrashuvlar (Rossiya, Germaniya, Fransiya, Ukraina) biror ma’noga ega bo‘lmaydi.
Eslatib o‘tamiz, 10-avgust kuni Rossiya Federal xavfsizlik xizmati 6–8-avgust kunlari Ukraina razvedkasi rejalashtirgan bir qator teraktlar va diversiyalarning oldi olingani, ko‘plab jangarilar qo‘lga olingani, yarim orolda Qrim foydasiga ishlayotgan agentlik tarmog‘i fosh etilganini ma’lum qildi. Ukraina tomoni tez orada bu ayblovlarni inkor etdi.
Bir muddatdan so‘ng Ukraina prezidenti Pyotr Poroshenko favqulodda yig‘ilish o‘tkazib, unda qo‘l ostidagilariga Rossiya rahbari Vladimir Putin bilan telefon muloqotini tashkil etishni topshirdi. Yig‘ilish chog‘ida razvedka bosh boshqarmasi rahbari Valeriy Kondratyuk Qrim chegarasida otishma kelib chiqqanini aytdi.
Izoh (0)