Belgiyada politsiyachilarga hujum uyushtirgan erkak asli jazoirlik retsidivist ekani ma’lum bo‘ldi

Belgiyaning Sharlerua shahrida politsiyachilarga machete bilan hujum qilgan erkak asli jazoirlik bo‘lib, ilgari ham jinoyatlarda ayblangan. Bu haqda, qirollik federal prokuraturasi bayonotiga asoslanib, “TASS” xabar bermoqda.

33 yoshlik Jazoir fuqarosi 2012-yildan buyon Belgiyada istiqomat qilib kelgan. U umumjinoiy qilmishlari bilan politsiya qaydlariga tushgan, lekin uning terrorchilarga aloqadorligi haqida hech qanday ma’lumot yo‘q.

Hodisa 6-avgust, shanba kuni kechqurun sodir bo‘ldi. Machete (uzun va ingichka pichoq) bilan qurollangan erkak shahar politsiyasi uchastkasi hududiga kirib olib, “Allohu Akbar” deya xitob qilgan holda tartib posbonlariga hujum qildi. Oqibatda ikki kishi yaralandi.

Huquq-tartibot organlari xodimlari hujum qilgan shaxsni otib tashladi, u keyinroq olgan jarohatlari tufayli vafot etdi.

Mavzuga oid:

• Belgiya hukumati: politsiyachilarga qilingan hujumda terakt belgilari bor