Qozog‘iston Respublikasi joriy yilning 3-avgustidan Rossiya Federatsiyasidan qishloq xo‘jaligi va yovvoyi hayvonlar, hayvonlardan olingan genetik materiallar, xomashyo va mahsulotlar, shox-tuyoq va teri xomashyosining yetkazib berilishiga vaqtinchalik cheklov joriy qildi. Bu haqda Qishloq xo‘jaligi vazirligi ma’lumotiga tayanib, Kazakhstan Today xabar bermoqda.
Boshqarmaning ma’lum qilishicha, Rossiya Federatsiyasining Yamal-Nenets avtonom okrugida Sibir kuydirgisining avj olishi qayd etilgan. Bugungi kunda mazkur okrugda 2,3 mingdan ortiq hayvon halok bo‘lgan, karantin joriy etilgan.
Sibir kuydirgisi odamlar orasida ham qayd etilgan. 90 ga yaqin odam shifoxonaga yotqizilgan, Sibir kuydirgisi tashxisi okrugning 20 nafar fuqarosida rasman tasdiqlangan. Shu kunlarda 12 yoshli bolaning halok bo‘lganligi ma’lum qilingan.
Izoh (0)