Kuvayt mamlakati Xalqaro olimpiya qo‘mitasiga (XOQ) qarshi sud jarayonida yutqazdi. Mazkur davlat vakillari XOQdan 886 million yevro tovon puli talab qilib chiqqan edi. Bu haqda “Qalampir.uz”ga tayanib, “Stadion.uz” xabar bermoqda.
Shveysariyaning Vaadt kantoni sudi Kuvaytning da’vosini qoniqtirmadi. Ushbu arab davlati o‘zining barcha sport turidagi terma jamoalarining diskvalifikatsiya qilingani va Braziliyadagi Olimpiada o‘yinlaridan chetlatilgani uchun tovon puli berilishini so‘rab chiqqan.
“Kuvaytda sud qaroriga qarshi shikoyat uchun 30 kun vaqt bor, shuningdek, u barcha sud xarajatlarini qoplashi kerak bo‘ladi”, – deyiladi xabarda.
Mamlakat terma jamoasining musobaqalardan chetlatilish sababi siyosatning sportga aralashuvidir. Kuvayt sportchilari o‘z davlatlari bayrog‘i ostida ishtirok eta olmaydi. Ammo xalqaro sport federatsiyalari tasdiqlasa, ular Olimpiada bayrog‘i ostida qatnashishi mumkin.
Izoh (0)