Tinch okeanida olimlar shu paytgacha noma’lum bo‘lgan hayot shakllarini aniqladi, ular Klarion-Klipperton hududida yashaydi, deya xabar bermoqda “Korrespondent.net”.
Ushbu chuqur suv ostidagi tekislik Kaliforniya va Gavayi orollari oralig‘ida joylashgan, uning chuqurligi taxminan to‘rt ming metrga teng. U yerga yorug‘lik deyarli yetib bormaydi, suv harorati esa Selsiy bo‘yicha nol darajadan biroz yuqori, xolos.
Klarion-Klipperton hududidagi tekislik yuzasidan okeanologlar tirik jonzotlarning 12 xil namunasini topdi, ularning sakkiztasi fanga butunlay noma’lum bo‘lib chiqdi, ikkitasi esa shunchaki yangi tur bo‘lib qolmay, yangi urug‘ yoki hatto oiladir.
Olimlar fikricha, ushbu bioxilma-xillik muhitning o‘ziga xosligi — marganets konkretsiyalari mo‘lligi bilan bog‘liqdir.
Izoh (0)