Afg‘oniston Butunjahon savdo tashkilotiga 164-a’zo bo‘lib kirdi, deya xabar bermoqda “TASS”.
Qoidaga ko‘ra, uning tashkilotga kirishi haqidagi qaror 29-iyul, juma kuni kuchga kirdi. Chunki Kobuldan a’zo bo‘lish haqidagi bayonnoma ratifikatsiya qilinganligi haqidagi rasmiy bildirgi olingandan buyon 30 kun o‘tdi.
Jenevada tashkilot matbuot xizmatining ma’lum qilishicha, Afg‘oniston ushbu bayonnomaning parlament tomonidan ratifikatsiya qilinganligi haqidagi hujjatlarni 30-iyun kuni Butunjahon savdo tashkiloti shtab-kvartirasiga taqdim etgan.
Afg‘oniston tashkilotga a’zo bo‘lish uchun arizani 2004-yilda yuborgan edi. Muzokaralar 2015-yilning noyabrida muvaffaqiyatli yakunlangan, 17-dekabrda esa a’zo bo‘lish haqidagi bayonnoma imzolangan. Mamlakat parlamenti ushbu hujjatni 18-iyun kuni ratifikatsiya qilgan.
Izoh (0)