Rossiya sport vaziri Vitaliy Mutko Xalqaro yengil atletika federatsiyalari uyushmasi (IAAF) prezidenti Sebastyan Koudan 2016-yilgi Olimpiya o‘yinlarida Xalqaro olimpiya qo‘mitasining talablariga javob beradigan rossiyalik atletlarning ishtirokiga ruxsat berishni so‘radi. Bu haqda “TASS” xabar bermoqda.
Mutkoning maktubida Yelena Isinbayeva, Sergey Shubenkov va Mariya Kuchina tilga olindi.
Sport arbitraj sudi (CAS) 21-iyul kuni Rossiya olimpiya qo‘mitasi va 68 yengil atletning IAAF’ga nisbatan apellyatsiya so‘rovini qaytardi. Sud qaroriga ko‘ra, qo‘mita Rio–2016 o‘yinlariga IAAF talablariga mos kelmaydigan o‘yinchilarni yubora olmaydi. 24-iyul, yakshanba kungi videokonferensiya yakunlariga ko‘ra XOQ Ijroqo‘mi IAAF va CAS qarorini qo‘llab-quvvatladi.