Tunisning Kaserin tog‘li provinsiyasida (Jazoir bilan chegara yaqinida, mamlakat g‘arbida) o‘tkazilgan aksilterrorchilik operatsiyasi davomida bir nafar harbiy xizmatchi halok bo‘ldi. Bu haqda respublika milliy mudofaa vazirligi matbuot xizmati rahbari podpolkovnik Belxasen Ueslati ma’lum qildi, deya xabar bermoqda “TASS”.
“Harbiy xizmatchi Kaserin provinsiyasida terrorchilarni qidirish va yo‘q qilish bo‘yicha maxsus operatsiya davomida Sammama tog‘ida piyoda askarlarga qarshi qo‘llanadigan mina portlashi oqibatida halok bo‘ldi”, — dedi boshqarma vakili.
Avvalroq Tunisning Business News axborot portali armiya bo‘linmasi Sammama tog‘i hududida jangarilar guruhi borligi haqida ma’lumot olgandan so‘ng, 21-iyul kechasi hududni artilleriya qurollaridan o‘qqa tutganligini ma’lum qilgan edi.
Izoh (0)