PoodleCorp xakerlik guruhi Pokemon Go o‘yinini yo‘q qilmoqchi ekanligini ma’lum qildi. Bu haqda Independent nashri ma’lumotiga tayanib, “TASS” xabar bermoqda.
Gazetada ta’kidlanishicha, xakerlik hujumi 1-avgust kuni bo‘lib o‘tishi mumkin. Aynan mazkur xakerlar o‘yin serverlariga o‘tgan shanba, 16-iyul kuni DDoS-hujum uyushtirganligi taxmin qilinmoqda. O‘shanda bu birinchi urinish ekanligi ma’lum qilingan edi.
Pokemon Go o‘yini atrofida yuzaga kelgan shov-shuvlar Angry Birds yoki “Tetris”ning ommabopligi bilan taqqoslanmoqda. O‘yin chiqarilgandan keyingi bir hafta ichida u yuklab olish bo‘yicha xitga aylandi va Nintendo kompaniyasining kapitalizatsiyasini bir yarim martadan ko‘proqqa oshirdi.
O‘yinni yuklab olishlar soni allaqachon 15 milliondan oshdi, har kungi foydalanuvchilar soni esa 20 millionga baholanmoqda.