Astraxanda 4-avgust kuni fors shoiri va faylasufi Umar Xayyomning to‘rt metrlik bronza haykalining rasman ochilishi bo‘lib o‘tadi. Bu fan va madaniyatning buyuk allomasi hisoblangan Umar Xayyom sharafiga Rossiyada o‘rnatilgan birinchi haykal bo‘ladi, deya xabar bermoqda “TASS”.
“Umar Xayyomning haykallari Tehron, Dushanbe, Buxarest va Ashxobodda bor. Astraxandagi haykal esa allomaning Rossiyadagi birinchi haykali bo‘ladi. Haykal Rossiya—Eron savdo-iqtisodiy va madaniy aloqalarining taraqqiyotida Astraxan viloyatining o‘rnini e’tirof etadi”, — deyiladi Astraxan Xalqaro va tashqi iqtisodiy aloqalar vazirligi xabarida.
Haykal Gilon viloyati (Eron) Savdo-sanoat, konlar va qishloq xo‘jaligi palatasi mablag‘lari hisobiga barpo etilgan. 1,5 tonnalik haykal Yekaterinburgda quyilib, hozir Astraxanga yetkazilgan va Astraxan davlat universitetining talabalar xiyobonidagi supaga o‘rnatilgan.
Umar Xayyom chuqur ma’noli ruboiylari bilan butun dunyoga tanilgan.
Izoh (0)