Kanadalik reper Dreyk OVO x Air Jordan’ning sof oltindan ishlangan bir juft krossovkasiga ega bo‘ldi. Uni yaratish ustida amerikalik rassom Metyu Senna ish olib borgan, deya xabar bermoqda Highsnobiety. Musiqachi yangi krossovkasining suratini Instagram’dagi sahifasiga joylagan.
Oltin krossovkalarning har bir qismi uning originalini aynan takrorlaydi: uning bog‘ichlari oltindan quyilgan. Orqa qismida esa basketbolchining to‘p bilan silueti aks ettirilgan. Dreykning so‘zlariga qaraganda, poyabzalning og‘irligi 100 funtga yaqin (45 kilogramm atrofida).
Air Jordan Nike kompaniyasi tomonidan amerikalik basketbolchi Maykl Jordan uchun ishlangan brenddir. Air Jordan 1 birinchi marta 1985-yilda “Chikago Bulls” jamoasining an’anaviy ranglari — qizil-qora rangda chiqarilgan.
Dreyk — kanadalik mashhur reper va qo‘shiqchi. Forbes tomonidan 2015-yilda tuzilgan eng ko‘p haq to‘lanuvchi xip-xop ijrochilarining ro‘yxatida u uchinchi o‘rinni egallagan.
Izoh (0)