Kaliforniyadagi kechada sodir etilgan otishmada 14 kishi jarohatlandi

Noma’lum shaxslar AQShning Kaliforniya shtati, Beykersfild shahridagi kechada ishtirok etayotganlarga qarata tartibsiz o‘q uzdi. Bu haqda TJournal xabar bermoqda.

Tadbirda qatnashayotgan 150 kishidan iborat guruh yo‘ldan o‘tib ketayotgan noma’lum kimsalar nishoniga aylandi. 14 nafar jabrlanuvchiga tibbiy yordam ko‘rsatilgani, ularning hayoti xavf ostida emasligi bildirilmoqda.

Hozirda otishma uyushtirgan shaxslar (aniq soni ma’lum emas) va ularning avtomobili qidirilmoqda.