Buyuk Britaniya Yevroittifoqdan chiqishiga qaror qilganidan so‘ng funt sterlingning dollarga nisbatan pasayishi uchinchi hafta davom etmoqda, deb xabar beradi “RBK”.
Joriy yil boshidan buyon Britaniya valyutasi dollarga nisbatan 13 foizga pasaydi. Bloomberg ma’lumolariga ko’ra, bu dunyodagi 31 valyuta orasida eng yomon ko‘rsatkich bo‘lib turibdi. Funt dollarga nisbatan pasayishi borasida Argentina pesosidan ham o‘tib ketdi.
Yil boshidan buyon dollarga nisbatan 9 ta valyuta arzonlashdi. Ular orasida, funtdan tashqari, Argentina va Meksika pesosi, Polsha zlotiysi, Xitoy ofshor yuani va Turkiya lirasi bor.
Avvalroq Buyuk Britaniya funt sterlingi yevroga nisbatan 2,5 yil ichidagi eng past qiymatga tushib ketgani va 30 yillik minimumni yangilagani haqida xabar berilgandi.