AQShning Dallas shahrida bo‘lib o‘tgan otishmadan so‘ng beshinchi politsiya xodimi halok bo‘ldi. Bu haqda Sky News’ga tayanib, “Gazeta.ru” xabar bermoqda.
Avvalroq to‘rt nafar politsiyachi qurbon bo‘lgani, yetti nafari yaralangani haqida xabar qilingandi. Otishmada gumonlanuvchi ikki kishi hibsga olindi. Ulardan biri shahar ichida bombalar o‘rnatilganini ma’lum qildi.
Eslatib o‘tamiz, 6-iyul kuni AQShning Minnesota shtatidagi Folkon-Xayts shahrida politsiyachi qora tanli erkakning mashinasini to‘xtatib, afroamerikalikni otib o‘ldirgan edi. Ushbu voqea qora tanlilarning noroziligiga sabab bo‘ldi.
Qayd etish kerakki, AQSh huquq-tartibot idoralari xodimlari xizmat vazifasini o‘tash chog‘ida yarim yil mobaynida 491 kishini otib o‘ldirdi.
Izoh (0)