Pokistondagi portlash oqibatida 11 kishi jarohat oldi
Bugun, 5-iyul kuni Pokistonning Xayber-Paxtunxva provinsiyasida Mardan okrugida yuz bergan portlash oqibatida 11 kishi, shu jumladan, ikki nafar politsiyachi jarohat oldi. Bu haqda mahalliy ARY News telekanaliga tayanib, “TASS” xabar bermoqda.
Portlovchi qurilma do‘kon oldida o‘rnatib ketilgan edi. Sapyorlarning hisob-kitobiga ko‘ra, bomba 600 gramm portlovchi moddadan tashkil topgan. Barcha jarohatlanganlar shifoxonaga yetkazilgan, ularning ahvoli haqida hozircha ma’lumot berilmagan.
Huquq-tartibot organlari portlovchi qurilmani o‘rnatib ketgan jangarilarni qo‘lga olish operatsiyasini o‘tkazmoqda.
Xayber-Paxtunxva provinsiyasi Pokistonning shimoli-sharqida, Afg‘oniston bilan chegarasida joylashgan. Uning hududida Afg‘onistonning “Tolibon” jangarilar guruhi harakat qiladi.
