4-iyul, dushanba kuni AQShning Kolorado shtatidagi Buena-Vista shahri aeroporti yaqinida bir motorli samolyot quladi, uchuvchi halok bo‘ldi. Bu haqda “TASS” xabar bermoqda.
AQSh transport xavfsizligi milliy boshqarmasining ma’lum qilishicha, qulagan samolyot tajribaviy bo‘lgan. Biroq u qaysi model bo‘lganiga aniqlik kiritilmagan.
Qayd etilishicha, samolyot qulayotgan vaqtda portlash sodir bo‘lgan, yerda bo‘lgan odamlarga jabr yetmagan.
Halok bo‘lgan uchuvchining shaxsi sir tutilmoqda. Aviahalokat sabablari hozircha noma’lum. Hodisa yuzasidan surishtiruv ishlari olib borilmoqda.
Izoh (0)