2016-yil boshidan buyon 22 davlatda 74 nafar jurnalist o‘ldirildi. Ushbu ma’lumotni Press Emblem Campaign nodavlat tashkiloti chop etdi, deb xabar bermoqda “TASS”.
Press Emblem Campaign OAV xodimlari uchun “eng xavfli mamlakatlar” deb Afg‘oniston (6 oyda 10 qurbon), Suriya (9), Meksika (8), Iroq va Yaman (7 tadan), Gvatemala (5), Hindiston, Pokiston va Turkiya (4 tadan)ni topdi.
Birinchi o‘nlikka Rossiya, Filippin va Salvador mamlakatlari ham kiritildi. Ushbu davlatlarda 2 tadan jurnalist halok bo‘lgan.
Qurbon bo‘lganlar ro‘yxati 2006-yildan buyon, BMT Kengashining inson huquqlari bo‘yicha birinchi sessiyasidan so‘ng har oy yangilanadi.