Rossiyalik milliarder, “Chelsi” futbol klubi xo‘jayini Roman Abramovich Fulfilling Dreams xayriya tashkilotiga jiddiy kasalliklarga chalingan 55 nafar isroillik bolaning Fransiyadagi Yevro-2016 o‘yinlariga tashrifini tashkillashtirish uchun moliyaviy ko‘mak berdi, deb yozadi “RBK”.
Bolalar va ularga hamrohlik qiluvchilar Yevro-2016ning uchta o‘yinini tomosha qildi, shuningdek, Parijdagi diqqatga sazovor joylarga va Disneyland’ga tashrif buyurdi.
“Biz ushbu safarga yuborilgan bolalarning barchasi bilan uchrashib, suratga tushdik va ularni xat bilan Abramovichga yubordik. U biz nima qilayotganimiz bilan rostakamiga qiziqadi va yordam berishni istaydi”, — dedi xayriya tashkiloti asoschisi Gilad Salter.
Abramovich aynan qancha mablag‘ ajratganiga aniqlik kiritilmadi, ammo CNN uni Fulfilling Dreams’ning “eng yirik donori” deb atamoqda.
Izoh (0)