2-iyul, shanba kuni Xitoyning Uxan shahrida qulagan devorning vayronalari ostida 8 kishi halok bo‘ldi. Bu haqda “Sinxua” agentligiga tayanib, “TASS” xabar bermoqda.
Davomiy yog‘ingarchilik tufayli yuzaga kelgan oqim qurilayotgan binoning 15 metrlik devorining qulashiga sabab bo‘ldi. Balandligi 2 metr bo‘lgan devorning parchalari o‘tib ketayotgan odamlarning ustiga tushdi. Qutqaruvchilar vayronalar ostida tirik jonni topa olmadi.
Xitoyning Sharqiy, Janubiy va Markaziy qismlarida kuchli yog‘ingarchilik 1-iyul kunidan buyon davom etmoqda. Shaharlar va uyezdlar suv ostida qolgan. Suv omborlari va himoya to‘g‘onlari xavf ostida qolmoqda.
Mamlakat bo‘ylab tabiiy ofat oqibatida qurbon bo‘lganlar soni bir necha o‘n kishiga yetgan.
Izoh (0)