Futbol bo‘yicha Argentina terma jamoasi hujumchisi Lionel Messi Chiliga qarshi (0:0, penaltilar bo‘yicha: 2:4) Amerika Kubogi–2016 finalida uchralgan mag‘lubiyatdan so‘ng terma jamoadagi ishtirokini yakunlashi haqida aytib o‘tdi, deb xabar bermoqda “Chempionat”.
Ma’lumot uchun, Lionel Messi so‘nggi uchta finalda muvaffaqiyatsizlikka uchramoqda. 2014-yilgi jahon chempionati finalida Argentina termasi Germaniyaga (0:1) mag‘lub bo‘lgandi. 2015-yilgi Amerika Kubogi finalida ham Argentina penaltilar seriyasida (1:4) Chiliga taslim bo‘lgandi.
Messi 2008-yili Argentina olimpiya terma jamoasi safida Pekin Olimpiadasi g‘olibi bo‘lgan, 2005-yilda esa yoshlar o‘rtasidagi jahon chempioni bo‘lgan. Ammo Lionel Messi Argentina milliy terma jamoasi bilan yirik turnirlarda biror marta ham bosh sovringa ega bo‘lmagan.
“Barselona” hujumchisi 24-iyun kuni 29 yoshga to‘lgan edi.
Eslatib o‘tamiz, Messi Argentina termasi safida 113 ta o‘yin o‘tkazib, 55 ta gol kiritgan. U Argentina termasi tarixidagi eng yaxshi to‘purar hisoblanadi.
Izoh (0)