Kirov viloyati gubernatori Nikita Belix pora olayotganida qo‘lga tushdi. Bu haqda Rossiya Tergov qo‘mitasi rasmiy vakili Vladimir Markin ma’lum qildi, deb xabar beradi “Interfaks”.
Mansabdor 24-iyun, juma kuni Moskvadagi restoranlardan birida qo‘mita tergovchilari va Federal xavfsizlik xizmati xodimlari tomonidan hibsga olindi.
“Qo‘mita o‘ta muhim ishlarni tekshirish boshqarmasi tomonidan Kirov viloyati gubernatori Nikita Belixga nisbatan shaxsan va vositachilar orqali jami 400 ming yevro pora olish holati yuzasidan jinoiy ish ochildi. Ish Jinoyat kodeksining ‘O‘ta yirik miqdorda pora olish’ moddasi bilan qo‘zg‘atildi”,— dedi Markin.
Tergov taxminiga ko‘ra, Belix “Novovyatskiy chang‘i kombinati” AJ hamda “O‘rmon-xo‘jalik boshqaruvchi kompaniya” MChJ foydasiga harakatlar amalga oshirish, Kirov viloyatida ularga rahnamolik qilish uchun shunday jinoyatga qo‘l urgan.
Izoh (0)