24-iyun, juma kuni odessalik ayol bir yo‘la besh egiz – uch o‘g‘il va ikki qizni dunyoga keltirdi. Bu haqda “Korrespondent.net” xabar bermoqda.
Ayolning homilasi 8 haftalik bo‘lganida, ultratovush orqali qilingan birinchi tekshiruvning o‘zidayoq u besh farzandni kutayotgani ma’lum bo‘lgandi.
Ayol homilasi davomida doimiy ravishda individual kuzatuv ostida bo‘lgan. Ona va bolalarning hayotini saqlab qolish uchun homilaning 30-haftasida kesarcha kesish yo‘li orqali bolalar dunyoga keltirildi.
Odessalik ona dunyoga keltirgan o‘g‘il bolalarning og‘irligi 1810, 1190 va 1720 grammni, qizlarning og‘irligi esa 1450 va 1250 grammni tashkil etdi.