Iftorlik vaqtida ehtiyot shart 3–5 daqiqa qo‘shib og‘iz ochish bid’at emasligi ma’lum qilindi

“Islom.uz” saytining savol-javoblar bo‘limida foydalanuvchilardan biri Ramazon taqvimi bo‘yicha iftorlik vaqtiga ehtiyot shart ozgina vaqt qo‘shib og‘iz ochish bid’at yoki bid’at emasligi borasida qiziqdi.

“Ayrim yoshi ulug‘lar Ramazon taqvimi bo‘yicha iftorlik vaqti kirgan bo‘lsa-da, o‘sha vaqtga 3–5 daqiqa qo‘shib, so‘ng og‘iz ochishadi. Ular ‘taqvimga yuz foiz ishonch yo‘q, ehtiyot shart ozgina vaqt qo‘shib ochsa yaxshi bo‘ladi’ deyishadi”, – deb quyidagi savollarni ilova qildi foydalanuvchi.

1. Ularning bu ishlari bid’at emasmi?
2. Aslida Ramazon taqvimi vaqti bo‘yicha og‘iz ochsa bo‘ladimi?

1. Bid’at emas.
2. Bo‘ladi. Shu o‘rinda bir narsaga ahamiyat berish kerak. Birinchi qavatda turgan kishilar bilan yuqori qavatdagi, xususan 5, 6, 7 va hokazo qavatda turgan kishilarning ro‘za ochishida ham biroz farq bor. Yuqoridagilarga quyosh botishi keyinroq bo‘ladi. Shuning uchun quyoshni to‘liq botganligiga ishonch hosil qilib, og‘izni ochish kerak!

• Ramazon oyining fidyasini keyingi oyga bersa bo‘ladimi?

• Bolalarni ramazon qo‘shiqlarini aytishdan qaytarish tavsiya etildi