Venesuela prezidentini lavozimidan chetlatish bo‘yicha referendumdan avvalgi jarayonlar tartibsizliklar davom etgan taqdirda to‘xtatilishi mumkin. Bu haqda 10-iyun, juma kuni mamlakat milliy saylov kengashi raisi Tibisay Lusena ma’lum qildi, deya xabar beradi “Interfaks”.
“Aniq-tiniq ogohlantirmoqchimiz: hatto kichik ko‘rinishdagi tajovuz, tartibning buzilishi va zo‘ravonlikka chaqiriqlar to holat o‘nglanmagunga qadar jarayonning zudlik bilan to‘xtatilishiga olib keladi”, — deya ta’kidlagan Lusena.
Maduroni iste’foga chiqarish haqidagi talablar mamlakatda energetikadagi muammolar tufayli yuzaga kelgan iqtisodiy inqiroz fonida yangramoqda. Uzoq vaqtdan beri davom etayotgan qurg‘oqchilik sababli gidroelektrostansiyalar to‘liq quvvat bilan ishlay olmayapti. Inqirozni pul qadrsizlanishi, ishsizlik, mahsulotlar, jumladan, kundalik ehtiyoj mollari yetishmovchiligi yanada kuchaytirmoqda. Budjet sohasida mashg‘ul bo‘lganlar qisqartirilgan kun tartibida ishlamoqda (dushanba—seshanba), maktablarda ham qisqartirilgan o‘quv haftasi (dushanba—payshanba) joriy etilgan. Venesuelada aprel oyida narx-navo o‘sishi 181 foizni tashkil etdi, mamlakat aholisi do‘konlarga jadval asosida borishga majbur bo‘lmoqda.
May oyi boshida Venesuela prezidenti Nikolas Maduro uni lavozimdan chetlatishga qaratilgan referendum o‘tkazilishiga tayyor ekanligini bildirdi.
Izoh (0)