Rossiyaning An-26 harbiy samolyoti Estoniya chegarasini kesib o‘tmagan. Havo kemasi Kaliningrad—Sankt-Peterburg yo‘nalishida rejadagi parvozni amalga oshirgan. Bu haqda Rossiya mudofaa vazirligi matbuot xizmati ma’lum qildi, deya xabar beradi “RBK”.
“Parvoz qat’iy belgilangan yo‘nalishda kechgan. Uchish davomida samolyot havo trassasidan og‘magan va Estoniya havo chegarasini buzmagan, buni obyektiv nazorat materiallari ham tasdiqlab turibdi”, — deya izoh berilgan matbuot xizmati xabarida.
Estoniya mudofaa vazirligi Rossiyaga tegishli An-26 harbiy samolyoti 7-iyun, mahalliy vaqt bilan 9:51 da mamlakat havo chegarasini buzgani, havo harakati xizmati bilan aloqaga chiqmaganini bildirgandi. Mazkur hodisa munosabati bilan Rossiya elchisi Estoniya TIVga chaqirildi va unga norozilik notasi topshirildi.
Izoh (0)