Nigeriya hukumati bir yil ichida davlat xazinasiga avvalroq o‘g‘irlangan 9,1 milliard dollarlik pul mablag‘lari va aktivlarni qaytardi, deb yozadi “TASS”.
Reuters ma’lumotlariga ko‘ra, 2015-yilda saylangan Nigeriya prezidenti Muhammadu Buxari korrupsiyaga qarshi kurash boshlab, neft sektoridan o‘g‘irlangan pul mablag‘ini qaytarishga va’da bergan edi.
“2015-yilning 29-mayidan joriy yilning 25-mayigacha mamlakatga qaytarishga muvaffaq bo‘lingan naqd pul va aktivlar summasi 9,1 milliard dollarni tashkil qildi”, — dedi Nigeriya axborot vaziri Laya Muhammad.
Vazirning maxsus maslahatchisi Segan Adeyemi ushbu pul mablag‘larining barchasi jismoniy shaxslardan musodara qilinganini aytdi. “Qaytarilgan mablag‘lar avvalgi hukumat amaldorlarining shaxsiy hisoblarida bo‘lgan, davlat xizmatidan ketgach esa mansabdorlar egalik qiladigan pul mablag‘lari haqidagi axborot fosh etilmagan”, — dedi u.
Izoh (0)