Chexiyalik 70 nafar sayyoh bo‘lgan avtobus Fransiya janubi-sharqidagi Montelimar shahri yaqinida, xalqaro tezkor avtotrassada noma’lum kimsalar tomonidan o‘qqa tutildi. Ikki o‘q avtobus old oynasiga tekkan, shisha parchalari tufayli olti kishi yaralangan. Bu haqda Chexiya TIV vakili Irena Valentova ma’lum qildi, deb xabar beradi “TASS”.
Sababi hozircha noma’lum bo‘lgan hodisa 4-iyun, shanba kuni kechki payt sodir bo‘lgan. Fransiya politsiyasi uni o‘rganishga kirishgan. Tergov o‘qotar qurolni bezorilar qo‘llagani, Chexiya avtobusi ular uchun tasodifiy nishon bo‘lganini taxmin qilmoqda.
Izoh (0)