Hyperloop o‘ta tezyurar poyezdi 2021-yildan yo‘lovchilar tashishni boshlashi mumkin. Bu haqda Hyperloop One (loyihani ishlab chiqqan kompaniya) vitse-prezidenti Knut Zauer Startup Village konferensiyasida ma’lum qildi, deb xabar bermoqda “TASS”.
“Shu yilning oxiriga qadar barcha tizimni sinovdan o‘tkazamiz va u loyihamizga muvofiq ishlashini isbotlaymiz. 2017—2018-yillarda bizda yo‘lovchilarni tashish uchun real imkoniyat bo‘ladi, 2021-yilda esa ilk bor yo‘lovchilar tashiladi va birinchi chiptalar sotiladi”, — dedi Zauer.
Uning so‘zlariga qaraganda, bugungi kunda sinov qurilmasi, levitatsiya tizimi va tunnelda past bosimni yaratish tizimi ishlab chiqilgan. Keyingi olti oy davomida esa uch milya (besh kilometrga yaqin) sinov yo‘li barpo etiladi.
Izoh (0)